Tuesday, February 24, 2009

kwek kwek at halo halo

kanina lumabas kami ng dalawang pamangkin ko, nag food trip lang kasi wala akong barya na pamasahe mamya pag pasok ko sa work. una kong nakita yung pamangkin kong babae, niyaya ko syang kumain, tapos lumabas sa banyo yung pamangkin kong lalake, niyaya ko na din. naglakad kami papuntang gate ng village kasi andun yung kainan, may tindang halohalo at mami. gusto ko sana bilobilo kaso walang tindang ganun kaya mami at halo halo na lang. ayun solve busog sarap ng kain naming tatlo. nung pauwi na kami, nagparinig yung pamangkin kong lalaki na sana anjan si manong matanda kasi masarap tinda nyang kwekwek.buti na lang andun, kaya sugod kami sa cariton ni manong. tuwang tuwa ako habang nakikita kong enjoy ang dalawang pamangkin ko tumutuhog ng tinda ni manong kasi ngayon lang daw sila nakakain ng walang limitasyon. dati magiisip pa sila kasi eksakto lang pambayad nila, kanina ayun parang party daw kasi kahit ano itusok nila sa stick, ok lang. pagkatapos naming sa cariton ni manong punta kami ng tindahan para uminom ns softdrinks. ayun pili na naman sila.

tinanong ko yung pmangkin kong lalaki bakit hindi sya pumasok, sagot sa akin wala daw sya pambaon sa school kasi walang pera nanay nya na kapatid ko.

wala pang 100 pesos ang nagastos ko pero pakiramdam ko lampas isang milyon ang nailabas ko, bakit? nakita ko kasing masaya ang dalawang pamangkin ko habang enjoy silang kumakain ng walang patid. iba ang sukling ngiti ng mga mahal mo sa buhay. ngayon linggo linggo ko nang gagawin ito para sa kanila.

No comments:

Post a Comment